Tapete con piñas

Acabo de rematar este tapete circular:

Foi realizado con fío mercer crochet de Coats nº 30 (aproximadamente 57g). Ganchillo de número 10 (0.75 mm).

O diámetro final ronda os 55 cm

Aquí deixo o patrón, non se ve moi ben, polo cal se hai algunha dúbida non teñades problema en preguntar.

Bufanda branca de ganchillo

Por fin terminei unha bufanda branca de ganchillo, que tiña un pouco parada porque me quedara sen la:

Mide sobre 210 cm de longo por 26 cm de ancho, realizada con 250 g de lana acrílica 100% e un ganchillo de 2.50 mm.

Utilicei o patrón que aparece neste blog.

Así que grazas Esther por compartir as túas labores!!

Funda para ebook (II)

Ao final me puxen e rematei a funda para o ebook da cal falábamos nunha entrada anterior:

Está toda cosida a man.

Esquemáticamente, os pasos foron estes:

Córtase a tela principal, según o patrón desexado, coas medidas apropiadas para o noso ebook.

Logo, cosemos os ribetes, que irán adornando a funda:

Entón cosemos o fieltro (das mesmas medidas que o patrón) ao ribete pola cara interna. Este fieltro fai a labor de forro e de acolchado.

Acto seguido cosemos as costuras laterais polo interior...dámoslle a volta e ...tachán:

Dragón Branco (II)

Xa está enmarcado e colgado o dragón da entrada anterior:

A foto non e moi boa, pero estou contenta co resultado, queda bastante bonito.

O cadro mide 74 cm x 52 cm contando co marco, bastante grande.

Aproximadamente 350x261 puntos, máis de 91000 en total, realizado con 50 cores.

Tentarei que o seguinte cadro sexa mais pequecho, e cunhas cores non tan frias como lle correspondeu a este dragón de inverno.

Un saúdo.

Dragón Branco (I)

Por fin rematei o dragón branco que levo bordando dende o 2004 nada menos.

Aquí temos un detalle da cabeza:

Está bordado a punto de cruz 1x1, en tela de 6 cruces por cada cm. Os fíos son Anchor.

Agora queda lavalo, e enmarcalo. Pronto verémolo en todo o seu esplendor.

Rato de amigurumi

Como Donna (unha gatiña que adoptamos recentemente) é moi xoguetona, ocorréuseme facerlle un novo xoguete.

Neste caso, un rato de amigurumi:

Buscando pola rede, atopei este patrón, que foi o que fixen.

O meu está oco, e dentro puxen un cascabel, co cal a gatiña ponse toda frenética xogando.

Empreguei unhas lanas acrílicas, e un ganchillo de 4 mm. Os ollos son bordados nunha cor fuccia.

De momento o rato é todo un éxito, a ver canto dura :D

Funda para ebook (I)

Como a funda de coiro do ebook estase deteriorando, decidín facerlle unha funda de tela para protexer a outra funda. Xa debía tela feito...pero son un pouco vaga á hora de comprar telas.
Por fin me decidín, e estes son os materiais que vou empregar:
Unha tela crea navideña, outra crea granate (para os ribetes) , e un fieltro vermello para forrar o interior.
A ver que sae de aí...